ஸூரா அல்ஃபாத்திஹா - Word by Word

بِسْمِ اللّٰهِ الرَّحْمٰنِ الرَّحِيْمِ ١

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் திருப்பெயரால் (ஓதுகிறேன்) ([௧] அல்ஃபாத்திஹா: ௧)

اَلْحَمْدُ لِلّٰهِ رَبِّ الْعٰلَمِيْنَۙ ٢

எல்லாப் புகழும் அல்லாஹ்வுக்கே! (அவன்தான்) அகிலத்தார் யாவரையும் படைத்து வளர்த்து தகுந்த பக்குவப்படுத்துபவன். ([௧] அல்ஃபாத்திஹா: ௨)

الرَّحْمٰنِ الرَّحِيْمِۙ ٣

(அவன்தான்) அளவற்ற அருளாளன். நிகரற்ற அன்புடையவன். ([௧] அல்ஃபாத்திஹா: ௩)

مٰلِكِ يَوْمِ الدِّيْنِۗ ٤

தீர்ப்பு நாளின் அதிபதி(யும் அவனே.) ([௧] அல்ஃபாத்திஹா: ௪)

اِيَّاكَ نَعْبُدُ وَاِيَّاكَ نَسْتَعِيْنُۗ ٥

(அல்லாஹ்வே!) நாங்கள் உன்னையே வணங்குகிறோம்; உன்னிடமே உதவி தேடுகிறோம். ([௧] அல்ஃபாத்திஹா: ௫)

اِهْدِنَا الصِّرَاطَ الْمُسْتَقِيْمَ ۙ ٦

நீ எங்களை நேரான வழியில் நடத்துவாயாக! ([௧] அல்ஃபாத்திஹா: ௬)

صِرَاطَ الَّذِيْنَ اَنْعَمْتَ عَلَيْهِمْ ەۙ غَيْرِ الْمَغْضُوْبِ عَلَيْهِمْ وَلَا الضَّاۤلِّيْنَ ࣖ ٧

(அவ்வழி) எவர்களுக்கு நீ அருள்புரிந்தாயோ அவர்கள் (சென்ற) வழி. (உன்) கோபத்திற்குள்ளானவர்களோ வழிதவறியவர்களோ சென்ற வழியல்ல. ([௧] அல்ஃபாத்திஹா: ௭)