ஸூரா ஸூரத்துத் தீன் - Word by Word

وَالتِّيْنِ وَالزَّيْتُوْنِۙ ١

அத்தியின் மீதும், ஜெய்தூனின் மீதும் சத்தியமாக! ([௯௫] ஸூரத்துத் தீன்: ௧)

وَطُوْرِ سِيْنِيْنَۙ ٢

ஸினாய் மலையின் மீதும் சத்தியமாக! ([௯௫] ஸூரத்துத் தீன்: ௨)

وَهٰذَا الْبَلَدِ الْاَمِيْنِۙ ٣

அபயமளிக்கும் இந்நகரத்தின் மீதும் சத்தியமாக, ([௯௫] ஸூரத்துத் தீன்: ௩)

لَقَدْ خَلَقْنَا الْاِنْسَانَ فِيْٓ اَحْسَنِ تَقْوِيْمٍۖ ٤

நிச்சயமாக நாம் மனிதனை மிக்க அழகான அமைப்பில் படைத்திருக்கின்றோம். ([௯௫] ஸூரத்துத் தீன்: ௪)

ثُمَّ رَدَدْنٰهُ اَسْفَلَ سَافِلِيْنَۙ ٥

(அவனுடைய தீய நடத்தையின் காரணமாகப்) பின்னர், அவனைத் தாழ்ந்தவர்களிலும் தாழ்ந்தவனாக நாம் ஆக்கி விடுகின்றோம். ([௯௫] ஸூரத்துத் தீன்: ௫)

اِلَّا الَّذِيْنَ اٰمَنُوْا وَعَمِلُوا الصّٰلِحٰتِ فَلَهُمْ اَجْرٌ غَيْرُ مَمْنُوْنٍۗ ٦

ஆயினும், எவர்கள் நம்பிக்கை கொண்டு நற்செயல்களைச் செய்து வருகின்றார்களோ அவர்களைத் தவிர. (அவர்கள் மேலான தன்மையில் இருப்பதுடன்) அவர்களுக்கு (என்றென்றுமே) தடைபடாத (நற்)கூலியுண்டு. ([௯௫] ஸூரத்துத் தீன்: ௬)

فَمَا يُكَذِّبُكَ بَعْدُ بِالدِّيْنِۗ ٧

கூலி கொடுக்கும் நாளைப் பற்றி (நபியே!) இதற்குப் பின்னர், உங்களை எவர்தாம் பொய்யாக்க முடியும்? ([௯௫] ஸூரத்துத் தீன்: ௭)

اَلَيْسَ اللّٰهُ بِاَحْكَمِ الْحٰكِمِيْنَ ࣖ ٨

தீர்ப்பளிப்பவர்களில் எல்லாம், அல்லாஹ் மிக மேலான நீதிபதியல்லவா? ([௯௫] ஸூரத்துத் தீன்: ௮)