ஸூரா ஸூரத்துத் தாரிஃக் - Word by Word

وَالسَّمَاۤءِ وَالطَّارِقِۙ ١

வானத்தின் மீதும், (இரவில்) உதயமாகக்கூடியதின் மீதும் சத்தியமாக! ([௮௬] ஸூரத்துத் தாரிஃக்: ௧)

وَمَآ اَدْرٰىكَ مَا الطَّارِقُۙ ٢

(நபியே!) உதயமாகக்கூடியது என்னவென்று நீங்கள் அறிவீர்களா! ([௮௬] ஸூரத்துத் தாரிஃக்: ௨)

النَّجْمُ الثَّاقِبُۙ ٣

(இதுதான்) இரவெல்லாம் சுடரிட்டுப் பிரகாசித்துக் கொண்டிருக்கும் நட்சத்திரம். ([௮௬] ஸூரத்துத் தாரிஃக்: ௩)

اِنْ كُلُّ نَفْسٍ لَّمَّا عَلَيْهَا حَافِظٌۗ ٤

ஒவ்வொரு மனிதனிடமும் (நம்மால் ஏற்படுத்தப்பட்ட) கண்காணிக்கக் கூடிய ஒருவர் இல்லாமலில்லை. ([௮௬] ஸூரத்துத் தாரிஃக்: ௪)

فَلْيَنْظُرِ الْاِنْسَانُ مِمَّ خُلِقَ ٥

ஆகவே மனிதன், தான் எதனால் படைக்கப்பட்டிருக்கின்றான் என்பதைச் சிறிது கவனிக்கவும். ([௮௬] ஸூரத்துத் தாரிஃக்: ௫)

خُلِقَ مِنْ مَّاۤءٍ دَافِقٍۙ ٦

குதித்து வெளிப்படும் ஒரு துளி தண்ணீரைக் கொண்டே படைக்கப்பட்டான். ([௮௬] ஸூரத்துத் தாரிஃக்: ௬)

يَّخْرُجُ مِنْۢ بَيْنِ الصُّلْبِ وَالتَّرَاۤىِٕبِۗ ٧

அது, முதுகந்தண்டுக்கும் நெஞ்சுக்கும் மத்தியிலிருந்து வெளிப்படுகின்றது. ([௮௬] ஸூரத்துத் தாரிஃக்: ௭)

اِنَّهٗ عَلٰى رَجْعِهٖ لَقَادِرٌۗ ٨

(இவ்வாறு படைக்கும்) அவன் (இவன் இறந்தபின் இவனுக்கு உயிர்கொடுத்து) மீள வைக்கவும் நிச்சயமாக ஆற்றலுடையவனே! ([௮௬] ஸூரத்துத் தாரிஃக்: ௮)

يَوْمَ تُبْلَى السَّرَاۤىِٕرُۙ ٩

என்றைய தினம் எல்லா மர்மங்களும் வெளிப்பட்டுவிடுமோ, ([௮௬] ஸூரத்துத் தாரிஃக்: ௯)

فَمَا لَهٗ مِنْ قُوَّةٍ وَّلَا نَاصِرٍۗ ١٠

(அன்றைய தினம்) மனிதனுக்கு யாதொரு சக்தியும் இருக்காது. உதவி செய்பவனும் இருக்கமாட்டான். ([௮௬] ஸூரத்துத் தாரிஃக்: ௧௦)