ஸூரா ஸூரத்துல் புரூஜ் - Word by Word

وَالسَّمَاۤءِ ذَاتِ الْبُرُوْجِۙ ١

கோள்கள் நிறைந்த வானத்தின் மீதும், ([௮௫] ஸூரத்துல் புரூஜ்: ௧)

وَالْيَوْمِ الْمَوْعُوْدِۙ ٢

வாக்களிக்கப்பட்ட (மறுமை) நாளின் மீதும், ([௮௫] ஸூரத்துல் புரூஜ்: ௨)

وَشَاهِدٍ وَّمَشْهُوْدٍۗ ٣

சாட்சியின் மீதும், சாட்சி சொல்ல வேண்டிய நாளின் மீதும் சத்தியமாக! ([௮௫] ஸூரத்துல் புரூஜ்: ௩)

قُتِلَ اَصْحٰبُ الْاُخْدُوْدِۙ ٤

அகழுடையவர்கள் அழிக்கப்பட்டார்கள். (அவ்வாறே இம்மக்காவாசிகளும் அழிக்கப்படுவார்கள்.) ([௮௫] ஸூரத்துல் புரூஜ்: ௪)

النَّارِ ذَاتِ الْوَقُوْدِۙ ٥

அது, விறகுகள் போட்டெரித்த நெருப்பு (அகழ்.) ([௮௫] ஸூரத்துல் புரூஜ்: ௫)

اِذْ هُمْ عَلَيْهَا قُعُوْدٌۙ ٦

அதன் முன் அவர்கள் உட்கார்ந்து கொண்டிருந்த சமயத்தில், ([௮௫] ஸூரத்துல் புரூஜ்: ௬)

وَّهُمْ عَلٰى مَا يَفْعَلُوْنَ بِالْمُؤْمِنِيْنَ شُهُوْدٌ ۗ ٧

நம்பிக்கையாளர்களை (நெருப்புக் கிடங்கில் போட்டு) நோவினை செய்வதை அவர்கள் (வேடிக்கையாகப்) பார்த்துக் கொண்டுமிருந்தார்கள். ([௮௫] ஸூரத்துல் புரூஜ்: ௭)

وَمَا نَقَمُوْا مِنْهُمْ اِلَّآ اَنْ يُّؤْمِنُوْا بِاللّٰهِ الْعَزِيْزِ الْحَمِيْدِۙ ٨

(நம்பிக்கை கொண்ட) அவர்களில் யாதொரு குற்றத்தையும் அவர்கள் காணவில்லை. எனினும், மிக்க புகழுடையவனும், (அனைவரையும்) மிகைத்தவனுமாகிய அல்லாஹ்வை அவர்கள் நம்பிக்கை கொண்டதையே அவர்கள் குற்றமாகக் கண்டனர். ([௮௫] ஸூரத்துல் புரூஜ்: ௮)

الَّذِيْ لَهٗ مُلْكُ السَّمٰوٰتِ وَالْاَرْضِ ۗوَاللّٰهُ عَلٰى كُلِّ شَيْءٍ شَهِيْدٌ ۗ ٩

வானங்கள், பூமியின் ஆட்சி அவனுக்குறியதே! (அவனை நம்பிக்கை கொண்டதற்காகவே அவர்களை நெருப்பில் எறிந்தனர்.) அல்லாஹ்வோ, (இவர்கள் செய்த) அனைத்தையும் அறிந்தவனாகவே இருந்தான். ([௮௫] ஸூரத்துல் புரூஜ்: ௯)

اِنَّ الَّذِيْنَ فَتَنُوا الْمُؤْمِنِيْنَ وَالْمُؤْمِنٰتِ ثُمَّ لَمْ يَتُوْبُوْا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيْقِۗ ١٠

ஆகவே, எவர்கள் நம்பிக்கை கொண்ட ஆண்களையும், பெண்களையும் இவ்வாறு துன்புறுத்திப் பின்னர், அதைப்பற்றி அவர்கள் (கைசேதப்பட்டு) மன்னிப்புக் கோரவும் இல்லையோ, அவர்களுக்கு நிச்சயமாக நரக வேதனை உண்டு. அன்றி, அவர்களுக்கு (அவர்கள் நம்பிக்கையாளர்களைப் பொசுக்கியவாறு நெருப்பால்) பொசுக்கும் வேதனையுமுண்டு. ([௮௫] ஸூரத்துல் புரூஜ்: ௧௦)