ஸூரா ஸூரத்துந் நாஜிஆத் - Word by Word

وَالنّٰزِعٰتِ غَرْقًاۙ ١

(பாவிகளின் உயிர்களைப்) பலமாகப் பறிப்பவர்கள் மீது சத்தியமாக! ([௭௯] ஸூரத்துந் நாஜிஆத்: ௧)

وَّالنّٰشِطٰتِ نَشْطًاۙ ٢

(நல்லவர்களின் ஆத்மாவை எளிதாகக்) கைப்பற்றுபவர்கள் மீது சத்தியமாக! ([௭௯] ஸூரத்துந் நாஜிஆத்: ௨)

وَّالسّٰبِحٰتِ سَبْحًاۙ ٣

(ஆகாயத்திலும், கடலிலும்) அதிவேகமாக(ப் பறந்து) நீந்திச் செல்லும் மலக்குகளின் மீது சத்தியமாக! ([௭௯] ஸூரத்துந் நாஜிஆத்: ௩)

فَالسّٰبِقٰتِ سَبْقًاۙ ٤

(இறைவனின் கட்டளையை நிறைவேற்ற) போட்டி போட்டுக் கொண்டு முன் செல்பவர்கள் மீதும் சத்தியமாக! ([௭௯] ஸூரத்துந் நாஜிஆத்: ௪)

فَالْمُدَبِّرٰتِ اَمْرًاۘ ٥

எல்லா காரியங்களையும் (இறைவனின் கட்டளைப்படி) நிர்வகிப்பவர்கள் (மலக்குகள்) மீதும் சத்தியமாக! ([௭௯] ஸூரத்துந் நாஜிஆத்: ௫)

يَوْمَ تَرْجُفُ الرَّاجِفَةُۙ ٦

(கொடிய பூகம்பத்தால் பூமி) பலமாக அதிர்ச்சியுறும் நாளில், ([௭௯] ஸூரத்துந் நாஜிஆத்: ௬)

تَتْبَعُهَا الرَّادِفَةُ ۗ ٧

(மென்மேலும்) அதனைத் தொடர்ந்து (பல பூகம்ப அதிர்ச்சிகள்) வரும் (நாளில் உலகம் முடிவுற்றே தீரும்). ([௭௯] ஸூரத்துந் நாஜிஆத்: ௭)

قُلُوْبٌ يَّوْمَىِٕذٍ وَّاجِفَةٌۙ ٨

அந்நாளில், உள்ளங்களெல்லாம் திடுக்கிட்டு நடுங்கிக் கொண்டிருக்கும். ([௭௯] ஸூரத்துந் நாஜிஆத்: ௮)

اَبْصَارُهَا خَاشِعَةٌ ۘ ٩

பார்வைகளெல்லாம் (பயத்தால்) கீழ்நோக்கி நிற்கும். ([௭௯] ஸூரத்துந் நாஜிஆத்: ௯)

يَقُوْلُوْنَ ءَاِنَّا لَمَرْدُوْدُوْنَ فِى الْحَافِرَةِۗ ١٠

(இவ்வாறிருக்க, நிராகரிப்பவர்கள் இதனை மறுத்து) "நாம் (இறந்த பின்னர்) மெய்யாகவே நாம் (உயிர்ப்பிக்கப்பட்டு) முந்திய நிலைமைக்குத் திருப்பப்படுவோமா?" ([௭௯] ஸூரத்துந் நாஜிஆத்: ௧௦)