ஸூரா ஸூரத்துல் கியாமா - Page: 2

كَلَّا لَا وَزَرَۗ ١١

"முடியவே முடியாது. தப்ப இடமில்லை" (என்று கூறப்படும்). ([௭௫] ஸூரத்துல் கியாமா: ௧௧)

اِلٰى رَبِّكَ يَوْمَىِٕذِ ِۨالْمُسْتَقَرُّۗ ١٢

(நபியே!) அந்நாளில் உங்களது இறைவனிடமே (அனைவரும்நிற்க வேண்டியதிருக்கிறது. ([௭௫] ஸூரத்துல் கியாமா: ௧௨)

يُنَبَّؤُا الْاِنْسَانُ يَوْمَىِٕذٍۢ بِمَا قَدَّمَ وَاَخَّرَۗ ١٣

மனிதன், முன் பின் செய்த பாவங்களைப் பற்றி அந்நாளில் அவனுக்கு அறிவுறுத்தப்படும். ([௭௫] ஸூரத்துல் கியாமா: ௧௩)

بَلِ الْاِنْسَانُ عَلٰى نَفْسِهٖ بَصِيْرَةٌۙ ١٤

தவிர, ஒவ்வொரு மனிதனும் தன் நிலைமையைத் தானாகவும் அறிந்து கொள்வான். ([௭௫] ஸூரத்துல் கியாமா: ௧௪)

وَّلَوْ اَلْقٰى مَعَاذِيْرَهٗۗ ١٥

ஆகவே, அவன் (தன் குற்றங்களுக்கு) எவ்வளவு புகல்களைக் கூறியபோதிலும் (அது அங்கீகரிக்கப்படாது). ([௭௫] ஸூரத்துல் கியாமா: ௧௫)

لَا تُحَرِّكْ بِهٖ لِسَانَكَ لِتَعْجَلَ بِهٖۗ ١٦

(நபியே! ஜிப்ரீல் வஹீ மூலம் ஓதிக்காண்பிக்கும் வசனங்கள் தவறிவிடுமோ என்று பயந்து, அவர் ஓதி முடிப்பதற்கு முன்னர்) நீங்கள் அவசரப்பட்டு அதனை ஓத உங்களுடைய நாவை அசைக்காதீர்கள். ([௭௫] ஸூரத்துல் கியாமா: ௧௬)

اِنَّ عَلَيْنَا جَمْعَهٗ وَقُرْاٰنَهٗ ۚ ١٧

ஏனென்றால், அதனை ஒன்று சேர்த்து (நீங்கள்) ஓதும்படி செய்வது நிச்சயமாக நம்மீதுள்ள கடமையாகும். ([௭௫] ஸூரத்துல் கியாமா: ௧௭)

فَاِذَا قَرَأْنٰهُ فَاتَّبِعْ قُرْاٰنَهٗ ۚ ١٨

ஆகவே, (ஜிப்ரீல் மூலம்) அதனை நாம் (உங்களுக்கு) ஓதிக்காண்பித்தால், (அவர் ஓதி முடித்த பின்னர்) அவ்வாறே அதனை நீங்கள் பின்தொடர்ந்து ஓதுங்கள். ([௭௫] ஸூரத்துல் கியாமா: ௧௮)

ثُمَّ اِنَّ عَلَيْنَا بَيَانَهٗ ۗ ١٩

பின்னர், அதனை விவரித்துக் கூறுவதும் நம்மீதுள்ள கடமையாகும். ([௭௫] ஸூரத்துல் கியாமா: ௧௯)

كَلَّا بَلْ تُحِبُّوْنَ الْعَاجِلَةَۙ ٢٠

எனினும் (மனிதர்களே!) நீங்கள் (எதிலும்) அவசரப்படவே விரும்புகின்றீர்கள். ([௭௫] ஸூரத்துல் கியாமா: ௨௦)