ஸூரா ஸூரத்துல் முத்தஸ்ஸிர் - Page: 4

وَمَا جَعَلْنَآ اَصْحٰبَ النَّارِ اِلَّا مَلٰۤىِٕكَةً ۖوَّمَا جَعَلْنَا عِدَّتَهُمْ اِلَّا فِتْنَةً لِّلَّذِيْنَ كَفَرُوْاۙ لِيَسْتَيْقِنَ الَّذِيْنَ اُوْتُوا الْكِتٰبَ وَيَزْدَادَ الَّذِيْنَ اٰمَنُوْٓا اِيْمَانًا وَّلَا يَرْتَابَ الَّذِيْنَ اُوْتُوا الْكِتٰبَ وَالْمُؤْمِنُوْنَۙ وَلِيَقُوْلَ الَّذِيْنَ فِيْ قُلُوْبِهِمْ مَّرَضٌ وَّالْكٰفِرُوْنَ مَاذَآ اَرَادَ اللّٰهُ بِهٰذَا مَثَلًاۗ كَذٰلِكَ يُضِلُّ اللّٰهُ مَنْ يَّشَاۤءُ وَيَهْدِيْ مَنْ يَّشَاۤءُۗ وَمَا يَعْلَمُ جُنُوْدَ رَبِّكَ اِلَّا هُوَۗ وَمَا هِيَ اِلَّا ذِكْرٰى لِلْبَشَرِ ࣖ ٣١

நரகத்தின் காவலாளிகளாக மலக்குகளையேயன்றி (மற்றெவரையும்) நாம் ஏற்படுத்தவில்லை. நிராகரிப்பவர்களைச் சோதிப்பதற்காகவே (இவ்வாறு) இவர்களுடைய தொகையை(ப் பத்தொன்பதாக) நாம் ஏற்படுத்தினோம். வேதத்தையுடையவர்கள் இதனை உறுதியாக நம்பவும். நம்பிக்கை கொண்டவர்களின் நம்பிக்கையை இது அதிகப்படுத்தும். வேதத்தை உடையவர்களும், நம்பிக்கையாளர்களும் (இதைப் பற்றிச்) சந்தேகிக்கவே வேண்டாம். எனினும், எவர்களுடைய உள்ளங்களில் நோய் இருக்கின்றதோ அவர்களும், நிராகரிப்பவர்களும் இந்த உதாரணத்தைக் கொண்டு, அல்லாஹ் என்ன அறிவிக்க நாடினான்? என்று கூறுவார்கள். (நபியே!) இவ்வாறே, அல்லாஹ் தான் நாடியவர்களைத் தவறான வழியில் விட்டுவிடுகின்றான். தான் நாடியவர்களை நேரான வழியில் செலுத்துகின்றான். (நபியே!) உங்கள் இறைவனின் படைகளை அவனைத் தவிர மற்றெவரும் அறியமாட்டார்கள். இவை மனிதர்களுக்கு நல்லுபதேசங்களேயன்றி வேறில்லை. ([௭௪] ஸூரத்துல் முத்தஸ்ஸிர்: ௩௧)

كَلَّا وَالْقَمَرِۙ ٣٢

அவ்வாறு அல்ல! நிச்சயமாக சந்திரன் மீது சத்தியமாக! ([௭௪] ஸூரத்துல் முத்தஸ்ஸிர்: ௩௨)

وَالَّيْلِ اِذْ اَدْبَرَۙ ٣٣

செல்கின்ற இரவின் மீது சத்தியமாக! ([௭௪] ஸூரத்துல் முத்தஸ்ஸிர்: ௩௩)

وَالصُّبْحِ اِذَآ اَسْفَرَۙ ٣٤

வெளிச்சமாகும் விடியற்காலை மீது சத்தியமாக! ([௭௪] ஸூரத்துல் முத்தஸ்ஸிர்: ௩௪)

اِنَّهَا لَاِحْدَى الْكُبَرِۙ ٣٥

நிச்சயமாக அது (நரகம்) மிகப் பெரிய காரியங்களில் ஒன்றாகும். ([௭௪] ஸூரத்துல் முத்தஸ்ஸிர்: ௩௫)

نَذِيْرًا لِّلْبَشَرِۙ ٣٦

அது, மனிதர்களுக்கு அச்சமூட்டி எச்சரிக்கை செய்கின்றது. ([௭௪] ஸூரத்துல் முத்தஸ்ஸிர்: ௩௬)

لِمَنْ شَاۤءَ مِنْكُمْ اَنْ يَّتَقَدَّمَ اَوْ يَتَاَخَّرَۗ ٣٧

உங்களில் எவன் (அதனளவில்) முந்திச் செல்லவோ அல்லது (அதை விட்டும்) விலகிக்கொள்ளவோ விரும்புகின்றானோ அவன் அவ்வாறு செய்யவும். ([௭௪] ஸூரத்துல் முத்தஸ்ஸிர்: ௩௭)

كُلُّ نَفْسٍۢ بِمَا كَسَبَتْ رَهِيْنَةٌۙ ٣٨

ஒவ்வொரு மனிதனும், தான் செய்யும் செயலுக்கே பிணையாளியாக இருக்கின்றான். ([௭௪] ஸூரத்துல் முத்தஸ்ஸிர்: ௩௮)

اِلَّآ اَصْحٰبَ الْيَمِيْنِ ۛ ٣٩

ஆயினும், (எவர்களுடைய பட்டோலை வலது கையில் கொடுக்கப்பட்டதோ அவர்கள்) வலது பக்கத்தில் இருப்பார்கள். ([௭௪] ஸூரத்துல் முத்தஸ்ஸிர்: ௩௯)

فِيْ جَنّٰتٍ ۛ يَتَسَاۤءَلُوْنَۙ ٤٠

அவர்கள் சுவனபதியில் இருந்துகொண்டு, ([௭௪] ஸூரத்துல் முத்தஸ்ஸிர்: ௪௦)