ஸூரா ஸூரத்துல் ஹாஃக்ஃகா - Word by Word

اَلْحَاۤقَّةُۙ ١

(நிகழக்கூடிய) உண்மை(ச் சம்பவம்) ([௬௯] ஸூரத்துல் ஹாஃக்ஃகா: ௧)

مَا الْحَاۤقَّةُ ۚ ٢

அந்த உண்மை(ச் சம்பவம்) எது? ([௬௯] ஸூரத்துல் ஹாஃக்ஃகா: ௨)

وَمَآ اَدْرٰىكَ مَا الْحَاۤقَّةُ ۗ ٣

(நபியே!) அந்த உண்மை(ச் சம்பவம்) என்னவென்பதை நீங்கள் அறிவீர்களா? ([௬௯] ஸூரத்துல் ஹாஃக்ஃகா: ௩)

كَذَّبَتْ ثَمُوْدُ وَعَادٌ ۢبِالْقَارِعَةِ ٤

"ஸமூத்" என்னும் மக்களும் "ஆத்" என்னும் மக்களும் (மரணித்த வர்களைத்) தட்டி எழுப்பு(ம் அச்சம்ப)வ(த்)தைப் பொய்யாக்கினர். ([௬௯] ஸூரத்துல் ஹாஃக்ஃகா: ௪)

فَاَمَّا ثَمُوْدُ فَاُهْلِكُوْا بِالطَّاغِيَةِ ٥

ஆகவே, ஸமூத் என்னும் மக்கள் ஒரு பெரிய சப்தத்தைக்கொண்டு அழிக்கப்பட்டனர். ([௬௯] ஸூரத்துல் ஹாஃக்ஃகா: ௫)

وَاَمَّا عَادٌ فَاُهْلِكُوْا بِرِيْحٍ صَرْصَرٍ عَاتِيَةٍۙ ٦

ஆத் என்னும் மக்களோ, அதிவேகமாக விரைந்து (இரைந்து) செல்லும் (புயல்) காற்றைக் கொண்டு அழிக்கப்பட்டனர். ([௬௯] ஸூரத்துல் ஹாஃக்ஃகா: ௬)

سَخَّرَهَا عَلَيْهِمْ سَبْعَ لَيَالٍ وَّثَمٰنِيَةَ اَيَّامٍۙ حُسُوْمًا فَتَرَى الْقَوْمَ فِيْهَا صَرْعٰىۙ كَاَنَّهُمْ اَعْجَازُ نَخْلٍ خَاوِيَةٍۚ ٧

ஏழு இரவுகளும், எட்டுப் பகல்களும் தொடர்ச்சியாக அவர்கள் மீது அக்காற்றை நடத்தி வைத்தான். (நபியே! அச்சமயம் நீங்கள் அங்கிருந்தால்) வேரற்று சாய்ந்த ஈச்சமரங்களைப் போல், அந்த மக்கள் பூமியில் விழுந்து கிடப்பதைக் கண்டிருப்பீர்கள். ([௬௯] ஸூரத்துல் ஹாஃக்ஃகா: ௭)

فَهَلْ تَرٰى لَهُمْ مِّنْۢ بَاقِيَةٍ ٨

(இன்றைக்கும்) அவர்களில் எவரும் தப்பி(ப் பிழைத்து) இருப்பதை நீங்கள் காண்கின்றீர்களா? ([௬௯] ஸூரத்துல் ஹாஃக்ஃகா: ௮)

وَجَاۤءَ فِرْعَوْنُ وَمَنْ قَبْلَهٗ وَالْمُؤْتَفِكٰتُ بِالْخَاطِئَةِۚ ٩

ஃபிர்அவ்னும், அவனுக்கு முன்னிருந்தவர்களும் தலைகீழாகப் புறட்டப்பட்ட ஊரிலிருந்த (லூத்துடைய) மக்களும் (அந்த உண்மையான சம்பவத்தை நிராகரித்துப்) பாவம் செய்துகொண்டே வந்தார்கள். ([௬௯] ஸூரத்துல் ஹாஃக்ஃகா: ௯)

فَعَصَوْا رَسُوْلَ رَبِّهِمْ فَاَخَذَهُمْ اَخْذَةً رَّابِيَةً ١٠

தவிர அவர்கள், தங்கள் இறைவனின் தூதருக்கு மாறு செய்தனர். ஆதலால், அவன் அவர்களை மிக்க பலமாகப் பிடித்துக்கொண்டான். ([௬௯] ஸூரத்துல் ஹாஃக்ஃகா: ௧௦)