ஸூரா ஸூரத்துஸ் ஸாஃப்ஃபாத் - Page: 6

قَالَ قَاۤىِٕلٌ مِّنْهُمْ اِنِّيْ كَانَ لِيْ قَرِيْنٌۙ ٥١

அவர்களில் ஒருவர் கூறுவார்: "(இம்மையில்) மெய்யாகவே எனக்கொரு நண்பன் இருந்தான். ([௩௭] ஸூரத்துஸ் ஸாஃப்ஃபாத்: ௫௧)

يَّقُوْلُ اَىِٕنَّكَ لَمِنَ الْمُصَدِّقِيْنَ ٥٢

அவன் என்னை நோக்கி "நிச்சயமாக நீ இதனை நம்புகிறாயா?" என்று கேட்டான். ([௩௭] ஸூரத்துஸ் ஸாஃப்ஃபாத்: ௫௨)

ءَاِذَا مِتْنَا وَكُنَّا تُرَابًا وَّعِظَامًا ءَاِنَّا لَمَدِيْنُوْنَ ٥٣

என்ன! நாம் இறந்து உக்கி எலும்பாகவும், மண்ணாகவும் போனதன் பின்னர் (எழுப்பப்படுவோமா?) நிச்சயமாக (நம்முடைய செயல்களுக்குரிய) கூலிகள் கொடுக்கப்படுவோமா?" என்று (பரிகாசமாகக்) கூறிக்கொண்டிருந்தான். ([௩௭] ஸூரத்துஸ் ஸாஃப்ஃபாத்: ௫௩)

قَالَ هَلْ اَنْتُمْ مُّطَّلِعُوْنَ ٥٤

"(ஆகவே, அவனை) நீங்கள் பார்க்க விரும்புகின்றீர்களா? என்று கூறி, ([௩௭] ஸூரத்துஸ் ஸாஃப்ஃபாத்: ௫௪)

فَاطَّلَعَ فَرَاٰهُ فِيْ سَوَاۤءِ الْجَحِيْمِ ٥٥

அவனை எட்டிப் பார்த்து, அவன் நரகத்தின் மத்தியில் இருப்பதைக் கண்டு, ([௩௭] ஸூரத்துஸ் ஸாஃப்ஃபாத்: ௫௫)

قَالَ تَاللّٰهِ اِنْ كِدْتَّ لَتُرْدِيْنِ ۙ ٥٦

(அவனை நோக்கி) "அல்லாஹ்வின் மீது சத்தியமாக! நீ என்னை அழித்துவிடவே கருதினாய்." ([௩௭] ஸூரத்துஸ் ஸாஃப்ஃபாத்: ௫௬)

وَلَوْلَا نِعْمَةُ رَبِّيْ لَكُنْتُ مِنَ الْمُحْضَرِيْنَ ٥٧

"என் இறைவனுடைய அருள் எனக்குக் கிடைக்காதிருந்தால், நானும் (உன்னுடன் நரகத்தில்) சேர்க்கப்பட்டே இருப்பேன். ([௩௭] ஸூரத்துஸ் ஸாஃப்ஃபாத்: ௫௭)

اَفَمَا نَحْنُ بِمَيِّتِيْنَۙ ٥٨

(இதற்கு முன்னர்) நாம் இறந்துவிடவில்லையா? ([௩௭] ஸூரத்துஸ் ஸாஃப்ஃபாத்: ௫௮)

اِلَّا مَوْتَتَنَا الْاُوْلٰى وَمَا نَحْنُ بِمُعَذَّبِيْنَ ٥٩

(பின்னர் உயிர் பெற்றிருக்கும் நமக்கு) முந்திய மரணத்தைத் தவிர வேறில்லை. (இனி நாம் இறக்கவே மாட்டோம். சுவனபதியில் இருக்கும்) நாம் வேதனைக்கு உள்ளாக்கப்படவும் மாட்டோம்" (என்றும் கூறுவார்). ([௩௭] ஸூரத்துஸ் ஸாஃப்ஃபாத்: ௫௯)

اِنَّ هٰذَا لَهُوَ الْفَوْزُ الْعَظِيْمُ ٦٠

நிச்சயமாக இது மகத்தானதொரு பாக்கியமாகும். ([௩௭] ஸூரத்துஸ் ஸாஃப்ஃபாத்: ௬௦)