ஸூரா ஸூரத்துஸ் ஸாஃப்ஃபாத் - Page: 18

وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِيْنَ ۖ ١٧١

நம்முடைய தூதர்களாகிய நம் அடியார்களைப் பற்றி ஏற்கனவே நம்முடைய வாக்கு நிச்சயமாக ஏற்பட்டு விட்டது. ([௩௭] ஸூரத்துஸ் ஸாஃப்ஃபாத்: ௧௭௧)

اِنَّهُمْ لَهُمُ الْمَنْصُوْرُوْنَۖ ١٧٢

ஆதலால், நிச்சயமாக அவர்கள் உதவி செய்யப்படுவார்கள். ([௩௭] ஸூரத்துஸ் ஸாஃப்ஃபாத்: ௧௭௨)

وَاِنَّ جُنْدَنَا لَهُمُ الْغٰلِبُوْنَ ١٧٣

நிச்சயமாக நம்முடைய படையினர்(களாகிய நம்பிக்கையாளர்கள்) தாம் வெற்றி பெறுவார்கள். ([௩௭] ஸூரத்துஸ் ஸாஃப்ஃபாத்: ௧௭௩)

فَتَوَلَّ عَنْهُمْ حَتّٰى حِيْنٍۙ ١٧٤

ஆதலால், (நபியே!) சிறிது காலம் வரையில் (அரபிகளாகிய) இவர்களிலிருந்து நீங்கள் விலகியிருங்கள். ([௩௭] ஸூரத்துஸ் ஸாஃப்ஃபாத்: ௧௭௪)

وَّاَبْصِرْهُمْۗ فَسَوْفَ يُبْصِرُوْنَ ١٧٥

(இவர்கள் எவ்வாறு தண்டனைக்கு உள்ளாகிறார்கள் என்பதை அறிய) அவர்களைப் பார்த்துக் கொண்டிருங்கள். அதிசீக்கிரத்தில் அவர்களும் அதனைக் கண்டு கொள்வார்கள். ([௩௭] ஸூரத்துஸ் ஸாஃப்ஃபாத்: ௧௭௫)

اَفَبِعَذَابِنَا يَسْتَعْجِلُوْنَ ١٧٦

(என்னே!) நம்முடைய வேதனைக்காகவா இவர்கள் அவசரப்படுகின்றனர்? ([௩௭] ஸூரத்துஸ் ஸாஃப்ஃபாத்: ௧௭௬)

فَاِذَا نَزَلَ بِسَاحَتِهِمْ فَسَاۤءَ صَبَاحُ الْمُنْذَرِيْنَ ١٧٧

(நம்முடைய வேதனை) அவர்கள் மத்தியில் இறங்கும் பட்சத்தில், அச்சமூட்டி எச்சரிக்கப்பட்ட அவர்களின் விடியற்காலை மகா கெட்டதாகிவிடும். ([௩௭] ஸூரத்துஸ் ஸாஃப்ஃபாத்: ௧௭௭)

وَتَوَلَّ عَنْهُمْ حَتّٰى حِيْنٍۙ ١٧٨

(நபியே!) அவர்களை நீங்கள் சிறிது காலம் புறக்கணித்து விடுங்கள். ([௩௭] ஸூரத்துஸ் ஸாஃப்ஃபாத்: ௧௭௮)

وَّاَبْصِرْۗ فَسَوْفَ يُبْصِرُوْنَ ١٧٩

(அவர்களுக்கு வேதனை வருவதை) நீங்கள் எதிர்பார்த்திருங்கள். அவர்களும் (அதனை) நிச்சயமாகக் காண்பார்கள். ([௩௭] ஸூரத்துஸ் ஸாஃப்ஃபாத்: ௧௭௯)

سُبْحٰنَ رَبِّكَ رَبِّ الْعِزَّةِ عَمَّا يَصِفُوْنَۚ ١٨٠

அவர்களுடைய (தப்பான) வர்ணிப்புகளை விட்டும் கண்ணியமிக்க உங்களது இறைவன் மிகப் பரிசுத்தமானவன். ([௩௭] ஸூரத்துஸ் ஸாஃப்ஃபாத்: ௧௮௦)