ஸூரா ஸூரத்துஸ் ஸாஃப்ஃபாத் - Word by Word

وَالصّٰۤفّٰتِ صَفًّاۙ ١

அணி அணியாக நிற்பவர்கள் மீது சத்தியமாக! ([௩௭] ஸூரத்துஸ் ஸாஃப்ஃபாத்: ௧)

فَالزّٰجِرٰتِ زَجْرًاۙ ٢

(தீமைகளைத்) தீவிரமாக விரட்டுபவர்கள் மீது சத்தியமாக! ([௩௭] ஸூரத்துஸ் ஸாஃப்ஃபாத்: ௨)

فَالتّٰلِيٰتِ ذِكْرًاۙ ٣

(இறைவனின் வசனங்களை) ஓதுபவர்கள் மீது சத்தியமாக! ([௩௭] ஸூரத்துஸ் ஸாஃப்ஃபாத்: ௩)

اِنَّ اِلٰهَكُمْ لَوَاحِدٌۗ ٤

நிச்சயமாக உங்கள் வணக்கத்திற்குரிய இறைவன் ஒரே ஒருவன்தான். ([௩௭] ஸூரத்துஸ் ஸாஃப்ஃபாத்: ௪)

رَبُّ السَّمٰوٰتِ وَالْاَرْضِ وَمَا بَيْنَهُمَا وَرَبُّ الْمَشَارِقِۗ ٥

அவனே வானங்களையும், பூமியையும், அவைகளுக்கு மத்தியிலுள்ளவைகளையும் படைத்து வளர்ப்பவன். கீழ் திசை(கள் மேல் திசை)களின் இறைவனும் அவனே. ([௩௭] ஸூரத்துஸ் ஸாஃப்ஃபாத்: ௫)

اِنَّا زَيَّنَّا السَّمَاۤءَ الدُّنْيَا بِزِيْنَةِ ِۨالْكَوَاكِبِۙ ٦

நிச்சயமாக (உங்கள் இறைவனாகிய) நாம், (பூமிக்குச்) சமீபமாக உள்ள வானத்தைப் பிரகாசிக்கும் நட்சத்திரங்களைக் கொண்டு அழகுபடுத்தி வைத்தோம். ([௩௭] ஸூரத்துஸ் ஸாஃப்ஃபாத்: ௬)

وَحِفْظًا مِّنْ كُلِّ شَيْطٰنٍ مَّارِدٍۚ ٧

மிக்க விஷமிகளான ஷைத்தான்களுக்கு ஒரு தடையாகவும் (ஆக்கி வைத்தோம்). ([௩௭] ஸூரத்துஸ் ஸாஃப்ஃபாத்: ௭)

لَا يَسَّمَّعُوْنَ اِلَى الْمَلَاِ الْاَعْلٰى وَيُقْذَفُوْنَ مِنْ كُلِّ جَانِبٍۖ ٨

மேல் உலகத்தில் உள்ளவர்களின் விஷயங்களை (ஷைத்தான்கள்) செவியுற முடியாது. (ஏனென்றால், அதனை நெருங்கும் ஒவ்வொருவரும்) பல பாகங்களிலிருந்தும் (கொள்ளி களால்) எறியப்பட்டு விரட்டப்படுகின்றனர். ([௩௭] ஸூரத்துஸ் ஸாஃப்ஃபாத்: ௮)

دُحُوْرًا وَّلَهُمْ عَذَابٌ وَّاصِبٌ ٩

அவர்களுக்கு நிலையான வேதனையுண்டு. ([௩௭] ஸூரத்துஸ் ஸாஃப்ஃபாத்: ௯)

اِلَّا مَنْ خَطِفَ الْخَطْفَةَ فَاَتْبَعَهٗ شِهَابٌ ثَاقِبٌ ١٠

(தப்பித் தவறி யாதொரு வார்த்தையை) இறாய்ஞ்சிச் செல்ல நெருங்கினால், உடனே அவனை(க் கொழுந்துவிட்டெரியும்) பிரகாசமான நெருப்பு பின்தொடர்கிறது. ([௩௭] ஸூரத்துஸ் ஸாஃப்ஃபாத்: ௧௦)